جنداللہ گشیت کہ 7 مارچءِ جنگا 15 إیرانی کماندار کشگ بوتگ أنت

مغربی بلوچستانءَ 7 مارچءَ بیتگیں جنگ جنداللہءَ وتی و إیرانی واکانءِ نیاما جنگے ظاھر کت۔ جنداللہءِ بیانا آتکگ کہ إے جنگا آواں 15 إیرانی پاسدار کشتگ أنت و یکـّے آچ آوانءِ مردماں شھید بیتگ۔ إیشانءِ کشا جنداللہ ٹولیءِ 5 باسک ٹپّی بیتگ أنت۔
'إیران پرئس نیوز'ءَ شنگ بیتگیں جنداللہءِ بیانا جنگجاہ زاھدان شھرءِ نزیکا ھمت آباد نامین ھندے ظاھر کتگ۔ پدا گیئش کتگ کہ نیں آواں وتی شھید بیتگیں باسک و ٹپـّی أچ اودا در کتگ و إیمنیں جاھےءَ رسینتگ أنت۔
پیسرا إیرانی حالجاھانءِ شنگ کتگیں حالا إیرانیاں 6 نشوی درمانءِ سوداگراں کشگءِ خبر داتگ أت۔ اودا منـّگ بوتگ أت کہ یکـّے أچ پاسداراں کشگ و دو ٹپـّی بوتگ أنت۔
Rights reserved by www.balochinews.com